اول شي احب اشكر كل من علق ودعا لوالد الامبراطووره وانشالله تكون الدعوات مستجابه ,,,
ام الدموع الي اتكلم عنها اهي دموع سما كاليفورنيا سانديغو لاني راح اودعها بعد شهرين من وصولي لها وبعد ما اجلت سفرتي اكثر من خمس مرات , قبل مايجي وقت سفرتي بيوم اتصل بشركة الطيران وأأجل موعد السفر بس هالمره اخر مره والسما دمعت مطر صار يومين والجو بديع والبرد يخليني افكر امدد اجازتي بس ما باليد حيله ,,,
طعم رمضان غير طبعا مو احلى بس انا احب التغيير واجرب واول مره اجرب رمضان خارج الكويت بس طعمه حلو بالجو والوقت يمشي بسرعه بس مفارق الاحباب شي يضايق بس لازم الواحد يجرب , حسيت وجودي احسن من وجودي بالكويت بعد الاخبار الي اقراها واسمعها شي يحز بالخاطر والي يحز بالخاطر اكثر اني سمعت خبرين احزنوني الاول ان والد الامبراطوره بالمستشفى وليما الحين ما عرفت اي خبر عن حالته والله يعينهم والخبر الثاني ان ولد اخوي عمل حادث وكان بطريقه للكويت وكان بالعنايه المركزه بس الحمدلله طلع بالسلامه ,,,
