على عتبة باب عيني وقفت عبره
دقت جرسها برمشي وفتحت عيني
غيرت صوتي مابيك تحس بالنبره
واثريك عارف وساكت ماتواسيني
يمديك تاخذ معي من الزمن عبره
واذكرك بالخير حتى وانت ناسيني
لي قلب ابيض واعرفه زين واخبره
وعلى كثر طيبته ماهو بمرضيني
تقدر تقول اني انسان نسى صبره
وتقدر تقول اني ابغى انسان يكفيني
دخيلك ان شفت جرحك لوسمحت ابره
وان كنت تقدر دخيلك لا تخليني
اجس نبضي مع الباقين واختبره
وقلبي لصافحت غيرك كتف يديني
وعن عتبة باب عيني وخر العبره
وعلق جرس رمشي واحضن معي عيني
انسانه متواضعه وحبوبه وصاحبة قلب حنون وطيب تحب المرح وتحب الاختلاط بالناس
رقيقه بمشاعرها واحاسيسها دافئه بحنانها وحنيتها على من يعز عليها , تحب الكتابه
تحب المغامرات وما تتعلم من الماضي وتعترف انها ما تتعلم لان قلبها طيب
لو يجرحها شخص تسامح بكلمه وحده ,تحب السفر وتتأزم من اقل موقف تمر فيه
جنونها جميل وله طعم خاص لم اجد له مثيل , تعرف ان الناس الي حواليها
يستغلونها بس تسكت لانها تحبهم وماتحب تضايقهم بس من ناحيتهم العكس
وكل مره اقولها قلب اهوا الي يعم عليج بس نفس ما قلت ماتتعلم
واحلى كلمه احب اسمعها منها " طبعا " لانها تقولها بمرح وطريقه لذيذه
اتمنالج الصحه والعافيه
صرنا مقطوعين من شجره وايام العز راحت ,,,
