هذا البوست عباره عن حوار حدث بين اصدقاء كانوا في المقهى من نسج خيال وكتابة ..
المهندس \مشعل الظفيري ,,,
وهو يتحدث عن الواقع والمشاكل التي تحدث في الكويت وشاغره الشارع الكويتي , مابي اطول عليكم خل نبدأ...
المهندس \مشعل الظفيري ,,,
وهو يتحدث عن الواقع والمشاكل التي تحدث في الكويت وشاغره الشارع الكويتي , مابي اطول عليكم خل نبدأ...
السلام عليكم,راجوا جيب ماي بابا, عسى ماشر ياأبو فيصل شفيك متكدر وزعلان وشايل الدنيا فوق راسك؟؟
يابومشعل ماتشوف شصاير بالديره؟؟ الحكومه والمجلس صايرين دياكه, حكومه تستقيل وماكملت حتى سنه عشان استجواب وزير!!؟؟ هذي مو اول مره يستجوبون فيها وزير افا عليك يابوفيصل بس هذا مو اي وزير, هذا وزير من افراد الاسره الحاكمه,تبي يطرحون الثقه فيه من صجك ؟؟ انت نسيت استجواب وزير الاعلام قبل وعشانه تغير التشكيل الوزاري وسلموه وزارة النفط؟؟ يعني يابومشعل أعضاء المجلس إذا ماعجبتهم الحكومه ينطرون اي خطأ بوزارة يكون وزيرها شيخ ويهددون الحكومه باستجواب او يسامونهم ماصارت دوله ,نفس مايقول المثل السوري"هذي حاره كل من إيدو إلو"...
اسف ياجماعه بس ودي اسألكم واتمنى القى الجواب,, تفضل يابو عزوز قول شعندك من سؤال؟؟ اللي اعرفه ان لكل حكومه خطه خمسيه للتنميه تمشي عليها الحكومات ما اشوف اي شي؟؟ الظاهر ربعنا ماشين على البركه, وصج قبل ما انسى قريت بالجريده ان امريكا هددت الدوله ماغيرها عشان الملف النووي وطلع واحد منهم يهدد الخليج , بالله عليكم حنا شكوا بالسالفه , ولاتنسون اللي يصير بالعراق بيأثر علينا بعد.. صدقت يابوعزوز وازيدك من الشعر بيت صرنا بلد طائفي,,
شلون يابومشعل؟ ماتقرون الجرايد؟ يقولك الوزارات يوزعونها على اساس وزير هذا ولدنا ووزير من التيار الفلاني والطائفه العلانيه ووزير من العايله والقبيله الفلانيه لان نسبة اعضاءها اكثر بالمجلس واللبيب بالاشارة يفهموا, صح لسانك, واوضاعنا من سيء الى اسوأ النفط زاد الضعفين مادري ثلاث اضعاف والاسعار كل يوم ترتفع ومافي مستشفيات مثل الناس ولا مدارس ولاشي ,نبي وزراء مختصين من نفس الوزاره يكون تدرج بالوظيفه ويكون مطلع على خبايا الوزاره مو واحد مايعرف كوعه من بوعه ...
بوجرناس ليش ساكت مالك بالعاده تسكت؟؟ والله ياجماعه لوتقعدون لثاني يوم ماراح ينصلح حال الديره بس خلكم من هالسوالف وبلى ضيقه خلق كافي حنت ام العيال,,, راجوا عطنا شاي وجيب الجنجفه خلونا نلعب احسن وبكره يبين كل شي هذا اذا بين....
