نهاية الطريق ؟؟

صار بسهوله الانسان ينسى عشرة العمر مع صديق وبكل بساطه,ماتوقعت هالشي يطلع من انسانه عشرتي ومعرفتي

سنه كامله من الصداقه وتبادل الاحترام والتقدير وكانت اكثر من صداقه كانت بالنسبه لي وبنظري ملاك بكل شي

حتى لو كان فيها اخطاء بس كانت ميزاتها تطغي على اخطائها الي كانت تدل على طيبة قلبها ,من يوم معرفتي لها وانا

ابني لها بداخلي مكانه وتقدير من الحب والمعزه والغلاة,ماكنت ولا يتخيلها احد ولا هي كانت تتخيل مكانتها عندي

وكانت تسالني "هل انا هالكثر غاليه ؟" كنت اقرأ هالسؤال بكلامها معاي ومسجاتها وكنت معتقد انها واثقه

فيني مثل كل الناس الي يعرفوني,اعتقدت بهالشي لانها كانت يوميا تقولي شالي يصير معاها وتشتكيلي

من الزمن والصداقات الي كانوا يستغلونها ويستغلون طيبة قلبها وتواضعها فرسمة بخيالها الواسع المعروف عنها

ان مافي صديق صادق مهما كان وكانت ترسم لكل شخص شخصيه اساسها صداقتها الي انصدمة منها

وكانت تشتكيلي من اهلها وكنت احاول اخفف عنها واحاول اطلعها من الجو الي عايشته ,كنت اذكرها

اكثر من نفسي كنت كل ساعه او اقل اراسلها واتطمن عليها وسالها شنو صار معاها لان في ناس يكون بداخلها شي

بس مرات ماتقدر تقوله بس احاول بسؤالي عنها اسحب منها واعرف شنو الي مضايقها

كانت باكثر الاوقات ماترد علي ولا على سؤالي ,العذر كان انها مشغوله بالوظيفه والدراسه والتعب وان يوصلها

اكثر من مسج واتصال وماتقدرترد الا على الي " تتذكرهم وتحس ان لازم ترد عليهم لاهميتهم" كانت تقولي هالكلام

والعذر وانا بداخلي اتضايق لان كلمة لاهميتهم كانت تاثر فيني اكثر "اللبيب بالاشارة يفهم" بس كنت

اسوي نفسي ماسمعت,كان ردي لها الله يعينج ويوفقج بس كنت احب اتطمن واهم شي تكونين بخير ,,,

كنت باليوم اذا ماسألت عنها او ماكانت الرسائل المرسله بتليفوني تحتوي على اسمها ماكنت ارتاح ,كنت

بكل وقت اذكرها واراسلها لدرجة انها كانت اول انسانه من اقعد من النوم اذكرها واصبح عليها بمسج وكانت اول

انسانه قبل لا انام اتمنى لها احلام سعيده وكانت بالحالتين ماترد لا بالصباح ولا بالمسا كان يحز بخاطري بس

الانسان لين يحب ويعز شخص يتعذرله وكنت اسوي هالشي كل يوم طول هالسنه,,

كانت انسانه لا توصف بجمالها الخارجي الي يشوفها مايبعد عيونه ويحاول ان عيونه ماترمش بس عشان

تضيع الثانيه بشوفتها يمكن ابالغ بس هذي الحقيقه وكان جمالها الداخلي اكثر جمال وجاذبيه,يمكن تكون هالصفات

موجوده بغيرها بس لين ترتاح لشخص وتحبه وقلبك يشتاقله راح يكون هالشخص فريد من نوعه عندك مهما كان في

ناس افضل منه ,كنت متخيلها انسانه مختلفه اختلاف كلي بتفكيرها وطريقتها بالصداقه مع الاخرين

لان صفاتها تدل على هالشي,في ناس لين تحب شخص وهالشخص يسوي شي غلط مهما كان تتعذرله

وتقول عادي بس صفه وحده اذا كانت بالشخص الي نحبه ويطبقها علينا فراح يمحي كل شي حلو ورائع

بنيناه له ويهدم هالشي بلحظه ,هالصفه اهي انها تنسى العشره والعمر الي عاشته مع انسانه

ويكون عادي انها تبتعد وبكل بساطه وسهوله من غير سابق انذار وبدون اسباب

تهدم كل شي ,,,

هدمت كل شي بنيته لها بقلبي واكثر من هذا ماسالت ولا اتصلت ولا ارسلت مسج ولا حتى ايميل انها تسال ولا حاولت

انها تتعذر ولا شي اي واحد يتوقعه من شخص عشرته معاه سنه كامله ,,,,,

http://song4.6arab.com/3esam-kamal_wely-yesalmek.ram

يــتـــبـــــــع