لعنة الحب..!!

يـارب .. كانـه مـا حصـل لـي ألاقـيـه
والقـى معـه روحـي و نـبـض ٍ فقـدتـه؟؟
خـذ عمـري اللـي باقـي ٍ لـي .. فلابـيـه
أنـا وعَـدت .. وبـأوفـي الـلـي وعَـدتـه
الـ( لا ) .. لغيره .. بس له ؟ .. تنقلب ( إيه )
وقّـعـت بإسـمـه خـافـقـي واعتـمـدتـه
الله واكبـر مــن كـثـر مـانـي اغلـيـه
لا زاد هجرانـه مــن الـوصـل زدتــه
عهـدي بـه اصـلاً .. مايجـي ليـن اناديـه
واليـوم مـا جـاب الـنـدا مــا عهـدتـه
مليـت انـادي وانشـد الـكـون وش فـيـه؟
ولا مـن مُجيـب - الا الصـدى - لا نشدتـه
ولامـن سألنـي خاتـمـي ويــن راعـيـه
أهـذي علـيـه وأحـسـب انــي أفـدتـه
إحتار صوتـي بيـن الآهـات والـ( ليـه ) ؟
وباقـي الحكـي ضايـع .. ولـوّي وجـدتـه
تضيـق بـي دنـيـاي اذا جِـيـب طـاريـك
حسـره علـى وقـت ٍ معـه مــا قعـدتـه
وقتـي يـا إمــا ْهـجـوس والا مشـاريـه
نفس الشريـط اليـا انتهـى .. قمـت عِدتـه
أخفـي دمـوعـي بـإبتسـامـات ووجـيـه
واوصـف جنـون ٍ فالهـوى مـاااا شهـدتـه
والهـمّ إبـن ٍ مـا اعَـرف كـيـف اربـيّـه
والا الفـرح ؟.. جـا ميّـت ٍ مــن ولـدتـه
يـارب ياللـي مـالـي الا انــت اناجـيـه
ْولا غيـرك احـد ٍ فــي حيـاتـي عبـدتـه
خذنـي اذا انّــي بـعـد مـوتـي بلاقـيـه
وش لـي بهالدنـيـا عـقـب مــا فقـدتـه