الجــــو بديع..!!

الي التقط الصور هو الفنان عادل القلاف , طلعنا انا وعادل قبل امس من الدوام على الساعه 10 صباحا وخلصنا اشغالنا وقلت لازم نروح ناخذلنا فره على شارع الخليج والحب لان الجو حلو , وكان عازمني حبيب قلبي عادل على الغدا بمناسبة عيد ميلادي وكان اول شخص , المهم فتحنا الكشف وتمشينا والي نشوف هالمنظر فقلنا نصوره لانه منظر ما يتفوت ....

احداث الاسبوع ...

العيد الوطني لمملكة البحرين .. مبرووووك

*****

اختتام دورة الاسياد 2006 وكان من افضل الدورات من ناحية الحفل والعروض الحلوه والي خسرة عليها قطر مبالغ كبيره بس كانت تستحق هالخساره ومشكوورين على هالدوره

*******

انتخابات الامارات , وفوز الشيخ حمدان بن محمد بن راشد بسباق الجياد ومبروووك

فوز منتخب اليد بالبطوله والحمدلله , والله رزقنا بهالمطر لمدة ثلاث ايام وكان الجووو اكثر من روعه وحق بر وناار ولعب كره مع الاهل

والاصدقاء والغدا شوي اهم شي , وانشالله يدووم هالجو على الاقل من غير مطر على شان التمشي على البحر والطلعه من الدوام الله يخليلنا المهندسين الحمدلله ينحطوون على الجرح يبرى ومتفهمين وحبوووبين لاكبر درجه وفووق هذا الدوام موقعه روعه من كل النواحي , انشالله تكونون استمتعتوا بهالجو الحلو ..

الحـــل سهـــ (عنفوان الحب) ــل

خلاص ابترك كل شي مكانه , العشق, والعبرات , والحسن والتيه

جفا.. ملل.. فرقا.. تغلي.. خيانه هذا قراري وسمه الي تسميه

ماهمني ذاك المكان وزمانه اغليه والا علني ماارجع اغليه

ياسيد الماضي وذيك المكانه انا الي شوه بشرواك ماضيه

الحب عرفتك على عنفوانه والا انت ماتستاهل اصغر معانيه

ماشفت طرفك في قساه وحنانه يرقي قصيدي ويتغطرس على يديه

ماشفت عودك كم وكم خيزرانه سميتها به .. وانثنت مع تثنيه

ماشفت شعرك كيف عليت شانه دليته الريح وغدا وقتها فيه

ماشفت صبح جاك تضحك ثمانه عقبال ما اصبح يوم ةالقاك ناسيه

قل للعذر ماعاد للعذر خانه لوتبني بدمعك بيوت المشاريه

قل للطواري لوتطيح الميانه لاهنت لي صوت ولا اشتقت لبيه

امانه ..ان كانك تعرف الامانه لا تذكر انه كان لي عشق ارجيه

جاك الكلام وخل قلبك مكانه والعشق والعبرات والحسن والتيه

رجال وعطيناهم دروووس

عطيناهم دروس اولا بالاخلاق وثانيا درس بفن اللعب والتكتيك , اهم ومشجعينهم اتمنى يعذروني جميع الاخوان ولا ياخذون الامر عامه انا اتكلم عن هالنوعيه من الناس من الي صار اليوم في المبارات لو اي شخص شايفها راح يقول اكثر من الكلام الي راح اقوله , بس ماراح اتكلم عن الي صار لاني مستانس بابطالنا وانا قلت هذا مو شي غريب على ابطالنا ورجال الكويت , هم على ارضهم وبين جماهيرهم وهم كسرنا شوكتهم وخليناهم يدمعون يطلعون من الملعب , يابابا هذا الازرق الكويتي ابعد بعيد عنه , هذا الازرق ما تغلبونه , هذا الموج الازرق لا توقف بوجهه تغرق بعدين , وهاردلك للمنتخب القطري الشقيق لعبوا وادوا الي عليهم بس الكويت مهما سويتوا ماراح يفيد هالشي بدون غرور ولا تكبر ولكن هذا الحق ابطال اسيا وابطال غرب اسيا وابطال اسياد 2006 ...
ماراح اذكر اي اسم من لاعبين الكويت لان كلهم ابطال الي لعب والي ما لعب , ما خيبتوا ظن جمهوركم وانشالله ما راح تخيبونه , هالبطوله نستنا انتكاسنا بكرة القدم لان الجمهور غاسل ايده منه , وعلى فكره انا محب لكرة اليد مثل ما احب كرة القدم لان اليد اهي اللعبه الجماعيه الحقيقيه واتمنى التقدم لكل المنتخبات الخليجيه , واتمنى يسامحوني اخواني على كلامي عن الاخلاق بس هذا الي حصل والي ماشاف المبارات والي صار فيها من احداث من لاعبين المنتخب القطري وجمهوره يشووف ويقولي معاك حق ..

مبرووووووك يالازرق ...

بالتوفيق يالازرق ..

اليوم الساعه 6:00 بتوقيت الكويت يبتدي ابطالنا لكرة اليد تخطيط وكتابة ووضع نهايه لبطولة اسياد 2006 امام منتخب قطر مستضيف هالحدث , وانشالله تكون نهايه سعيده لابطالنا بعد مجهود واداء قدموووه ابطالنا اكثر من رائع , ودعواتي لهم بالتوفيق , والبطولات مو صعبه على منتخبنا وابطالنا ,واليوم يومكم يا ابطالنا لاثبات مهاراتكم وخبرتكم الطويله بالبطولات ...

دعواااتكم لهم بالنتوفيق

عتــاب الدنيا ..!!

قالت انت .. وقلت هذا انتي عرفتي

ماتغير شيء من يوم الرحيل

استريحي .. ليش وش علمك وقفتي

قالت اصلا مال هالصدفه مثيل

شفتك امس .. وقلت شفتيني وطفتي

قالت ادري ما اخبرك نحيل

ماعرفتك .. قلت هم انتي نحفتي

والشقي ياصاحبي عمره طويل

مانصفني حظ .. وانتي ما نصفتني

دايم الدنيا على مثلي تعيل

مرت سنين على حب قطفـــتي

ومرت دهور على قلب عليل

ظامي وارويه مــن حلـف حلفـــتي

والتمس لي فيه عن قيضي مقيل

انت اخــر من تصورت انجرفتــي

ملتي اول ما بدا وقتي يمـــيل

لا سؤال ولا تعبتي لي وشفتـــي

من لبستي في هكا الليله كليل

باكر تقولين لختــك من صدفتي

قالت اصبر وش بلى هرجك ثقيل ؟؟

انشد عيوني كم دمع ذرفتي ؟؟

في هكا الليله وكم يوم وليل؟؟

وانشد ضلوعي كم لحن عزفتي ؟؟

من ونين ومن غرابيل وويل

خوفوني لا تقول شلون خفتي ؟؟

تحسب اللي حصل لي قليل

عاتب الدنيا معي قل ما عطفتي

مالقيتي للقدر غيري بديل