اولا هذي قصه حقيقيه بس راح اغير اسامي الشخصيات , بطلة القصه بسمه واهي الي قايلتلي هالقصه , ومن الشخصيات اختها نوااره واخوانها ناصر ومنصور ووالدها محمد ...
القصه بدت في يوم من الايام كان ضايق خلق بسمه وكانت بغرفتها ونزلت تحت الصاله وقعدت اطالع ( تشاهد ) التلفزيون , الاتشوف تليفون والدها محمد على الطاوله ( طبيعه في بعض الناس التعبث بأشياء الاخرين) فتحت التليفون , دخلت على القائمه , الرسائل , الصندوق الوارد , رسايل حب وغرام استغربت بسمه من هالرسايل الغراميه لان والدها محمد عمره تقريبا بالخمسين او الستين الله يطول بعمره , وكل الرسايل الغراميه من نفس الرقم , بعدين شافت الرسائل المرسله , الا اشعار غراميه مطرشه الى نفس الرقم , طبعا حفظة الرقم ....
راحت غرفتها وقعدت تفكر شنو راح تسوي , هل تسأل والدها على الرقم او الشخص ؟؟ هل تعلم اخوانها وخاصه اختها نوااره ؟؟ او تتصل على الرقم وتتأكد ؟؟ طبيعة بسمه حبووبه , ولكن مطيوره وعقلها شوي صغير تقريبا , بس في بعض المواضيع عاجل ,عليها السان الله لا يوريكم , ماتحب احد يقاطعها بس عادي تقاطع الناس , المهم فكرت بسمه فقررت انها تتصل وتتأكد..
بسمه : ألووووو
الشخص : هلا والله
بسمه انصدمت من سمعت الصوت , صووت وحده يعني بنت
بسمه: يعطيج العافيه اختي انا بسمه بنت محمد
حبيبت الوالد: هلا والله حبيبتي بسمه شلونج؟
بسمه : تمام.. انتي ما تستحين تكلمين ابوي وتعرفين انه متزوج وعنده عيال وانتي متزوجه ؟؟
طبعا طلع السان بسمه وفلت على حبيبت الوالد, وحبيبت الوالد تكلمها بكل برود تقريبا تقلد حليمه بولند على كلام بسمه
حبيبت الوالد:اي عادي انا احبه
بسمه : تحبين واحد اكبر منج الدبل ؟؟ وانتي متزوجه ؟؟
حبيبت الوالد(بكل برووود): اي عادي يا اتطلق واتزوجه والا عادي اكون معاه وانا متزوجه
بسمه : والله انتي ما تستحين بس ياليت تبعدين عن ابوي يالله بااااي
طبعا انتوا الحين تقولون شلون بسمه عرفت ان الحرمه متزوجه .. طلعت حبيبت الوالد كانت سكرتيرته بس بعدين طلبها (----) الوزاره على شان تكون سكرتيره عنده , وكانت تشوفها لين تروح مع ابوها الدوام..
المهم عصبت بسمه وراحت قالت حق اختها نوااره الي تشتغل مع ابوها بنفس الوزاره والمكان بس نوااره توها متوظفه تقريبا صارلها سنه , فتحلفت فيها ( سوالف البنات ) وقالت حق زوجة اخوها الكبيرناصر الي اهي تصير بنت عمها ,بس ما لقوا حل والد بسمه محمد موظف بوزاره وناصر ومنصور ونوااره موظفين بنفس الوزاره ونفس المكان بس كل واحد بقسم بس نوااره ومنصور بقسم واحد نوااره مهندسه ومنصور مساعد مهندس...
قعدت بسمه بينها وبين نفسها تفكر تقول:
ابوي الحمدلله مو مقصر معانا باي شي نطلبه ونبيه , كل شي موفره لنا ومومقصر مع امي , وكبرنا واخواني اشتغلوا , يعني له الحق انه يتزوج ..
بس انا رديت عليها وقلتلها , معاج حق بكلامج بس اذا كانت اهي مو متزوجه مو تكون متزوجه وعلى ذمة رجال وتفكر بواحد ثاني ..
فقررت بسمه انها تقعد مع حبيبت الوالد وتسولف معاها وتشوفها لانها من زماان مو شايفتها صارلها كم سنه يعني , المهم تواعدوا وراحت بسمه , تقول اهي وحده الموووت الحمر ( ترى كلام بسمه هذا مو كلامي ) تقول ذاك الحجاب واللبس الحلو والجسم المتناسق والمشيه الواثقه من نفسها , بسمه تقول في بالها الحين هالجمال كله ما لقت الا ابوي الشيبه تحبه شنو لاقيه فيه ؟؟ من حلاته صج ابوي بس الحق ينقاال..
قعدت معاها وسولفت وخذت وعطت معاها بالكلام , قالتلها شنو بينج وبين ابوي ؟؟
حبيبت الوالد قالت بكل ثقه اعجاب متبادل وتجانس بالافكار مو حب حب..
ردت عليها بسمه زين كل هذا الكلام والوصف لعلاقتكم والرسايل ومافي حب شنو صاير؟؟
قالتلها حبيبت الوالد والله مادري هذا الي صاير
راحت بسمه البيت واهي تفكر شنو راح تسوي ؟؟
فقالت اخليه على راحته اهو كبير وعارف مصلحته
يعني مو حرام وعيب هالشي الي تسويه هالحبيبه لو مو متزوجه قلنا اوكي بس متزوجه ولا طلع عندها ولد؟؟
10 comments:
والله يااخوي الناس صارو ما يستحون متزوجين مومتزوجين عادي عندهم الحمدلله والشكر.. صج اللي اختشو ماتو
التصرف بعقلانيه في مثل هالامور وايد افضل، لان الاشخاص كبار وانا اقصد الاب ومستحيل الاب يتقبل كلمة من بنته او ولده لانه في نظره انسان بهالعمر الكبير ما يغلط!
عبدالله ..
ممكن يكون الأمر أهون لو كانت المره مو متزوجه , لكن إنها تكون متزوجه و تحب غير ريلها هذا موضوع لا دينا يرضاه ولا حتى عاداتنا و يعتبر بالإسلام زنه إن المرأه تكون على ذمة ريال و تفكر بغيره هالأمور إحنا دارسينها و عارفينها
نيي حق تصرف بسمه , أنا من وجهة نظري ورايي الشخصي أشوف إن بسمه مالها أي حق تمسك موبايل الوالد و تقعد تفتش !
لا إنتي أمه ولا زوجته و اصلاً حتى لو كانت وحده من الثنتين هم مايحق لها , كل إنسان له حدود يوقف عندها
يعني بسمه تحط نفسها مكان الوالد لو إهوا قاعد يفتش بموبايلها , أكيد راح تتضايق و يحز بخاطرها !
الحين هالحجي ماراح يغير شي , لو تبي رايي أنا أقول إنها تخلي الأمور تصلح نفسها بنفسها
وترى هذي مجرد نزوات تصير جميع الرجال بهذا السن
و إن شاء الله خير : )
شكرًا عبدالله
Nescafé: اهلين بالغلا.. والله كلامج كله صح وهذي مشكلة الكبار لازم يعرفون ان الانسان مو معصوم عن الغلط واذا كان كبير
Reemoo: كلامج عن الحالتين صح وانا أأيدج بكلامج كله بس قدر الله وما شاء فعل يعني الصدفه خلت بسمه تعرف .. والحين بروح اتفطر اذن
=S =S =S
إن لم تستحي فافعل ما تشاء !!
الله يصلحها ..
9j ma tst7y yabelha a7d ywgfha 3nd 7adha..0 tra 7ta oboha '3l6an ely m36eha wyh!
KeChie-ChaN: اهلين وسهلين .. جبتها عالجرح :)
MuLaN : ياهلا ومرحبا بالغاليه , تو مانور البلوغ لج وحشه ..
هدي اعصابج عليهم كبار شنسويلهم
ااااووووهههه
عاد عبيد وقالوله سالفة جذي بدعت عيل
بس جرأة بالبنت والابو وبالسكرتيرة
ايش الخربطة بهالبسمة مطفوقة والا غير جذي اخذ واعطي بوحدة ماعندها اسلوب ولا سالفة امبين من اول شي
واذا خاطبهم الجاهلوون
والشره عالابو عينه زايغة
والشره عالسكرتيرة الدايخة مفتلتة واضح ما تحبه يمكن يقط عليها
والام وينها ليش نايمة بالعسل
؟؟؟
واخت ماينشد فيها الظهر
ماني عارفة الوضع غلط
اشتقنا لتعليقاتك في بلوقي عسا المانع خير
لا حول و لا قوة الا بالله !!!
اول شي اعلق على كلمه .. ان دام مو مقصر معانا من حقه يتزوج
شكو من حقه يتزوج دام عنده بيت و حرمه و عيال و حياته مستقره و مرته مو مقصره عليه بشي؟
ثاني شي .. انا لو مكانها بواجهة ابوي او اذا كلش كلش اقول حق امي و خل تصير حرب عاد!!
والله لا اهوه يستحي على ويهه شيبه ريله و القبر يحب وحده بالحرام و اهوه عياله متزوجين و كبار !!
و اهيه عاد ما يكفي فيها الا الرجم حتى الموت صراحه!!
لا و اعلم ريلها بعد عليها
Post a Comment