وين وزارة الداخليه ؟؟وين البلديه عنهم ؟؟
وين الشرطه والمباحث ؟؟
وين الدين والا نسووه او تناسووه الناس ؟؟
الصراحه وين الناس المسؤوووله عن المهزله الي قاعد تصير بالبلد ؟؟
صج صج حســـــــــــــافه وشي يحز بالخاطر ويضيق الخلق .....
ادري مستقربين ومندهشين من الصوره والاساله بس انا راح افهمكم واقولكم الي صاير...
امس بالليل طالع انا واثنين من الشباب حسبت خوان , انتمشى ونستانس وانتعشا على حساب واحد من الشباب , الشباب الاثنين اهم (ع.ن) والثاني( ن.م) والعشا على حساب (ع.ن) بمناسبة نزول المنحه , المهم بعد الفراره والغز من الشاميه لي شارع الحب لي شارع الخليج , قالوا يالله انتعشا قالنا ( ع.ن ) وين تبون قلنا نبي ( تشيليز ) او ( فرايديز ) المهم لين وصلنا ( تشيليز ) الا فاضي مافي احد مو على عادته الحبيب ( ن . م ) يبي ناس تكون بالمطعم يحب يطالع على شان تشتغل الشماته والضحك والتطنز على بناتنا الله يهديهم واشكالهم اللهم لا شماته , المهم اتفقنا على ( فرايديز ) لان امس زحمه , اول ما صفطنا ونزلنا والا البنات اطالع مو لله لان السياره كشخه , يا حبهم للمظاهر , المهم دشينا المطعم صج حلو والجو داخل يونس ويفتح النفس , اسالونا جم واحد قلنالهم ثلاث , عطانا طاوله كل الي حولينه جنس ناعم على كلامهم ناعم , المهم من اول ما قعدنا واحنا ضحك وكركره بس على الخفيف من بعض الاشكال الي موجوده
الا المنظر الي صج لازم مافي احد يسكت عنه , الا ذاك الاجنبي اوروبي مفتوحه زرارات قميصه ويطوطح مايدري وين الله قااطه واثنين من الشباب الكويتي معاه ماسكينه خايفين يطيح لان صاحبهم الاخ كااان تارس الطاسه وشااارب لين الخمر طالع من خشمه .. وين ؟؟ بالمطعم جدااام الناس والعوايل والاطفال , الصراحه من شفت الموقف اتصلت على 777 والا صاحبي ( ع . ن ) يمسكني ويقول سده ماراح يكلمونه بالعكس يكلمونك لانه اجنبي ....
بعرف شهالمصخره والانحطاط بالناس ؟؟؟
ليش صارت ديرتنا جذي ؟؟
والله حرام .. صح ان فيه ناس تشرب وتسوي بس مو في مكان عام وفيه اطفال ترى غلط بالدين وحرام وهم بالعادات والتقاليد...
بس في موقف صار صج الله يهدي بناتنا ويثبت عقووولهم ويهديهم ...
تقريبا 10 بنات قاعدين على طاوله وضحك وغشمره بس لا تشوفونهم اللهم لا شماته , الي مسويه عمليه حق خشمها والا مادري شنو لابسه والا الخاله ههههههههه , صج يضحكون , المهم الموقف في وحده منهم عيد ميلادها امس فيابولها كيكه صغيره عليها شمعه الكيكه زين تكفي شخص واحد واهم 10 , الحين يطفون الشمعه , خلصت الاخت وطفتها بعد جهد جهيد , قامت حطت الكيكه جدامها وقامت تدعي ؟؟؟
انا هني تنرفزت بس قمت اعلق عليهم بضحك , الاخت تدعي جداام الكعبه استغفر الله , يعني صج مصخره , خلصت الاخت من الدعااء
يعني تتمنى الحمدلله والشكر, الحين الداهيه الثانيه الخطيره الخاله خذت الكيكه تبي تدعي وتتمنى اهني انا بطيتها ضحك , والتعليق اشتغل اقولها ادعي ربج يخليج بيضه , لا تنسين تخلين باجي البنات يدعون فريها عليهم واذا ممكن بعد على طاولتنا ...
الصراحه تفكير البنات صفر صج ناقصين عقل ودين .. والله يهديهم
23 comments:
سالفه الخمر بالكويت قامت تزيد بشكل واضح ومافي احد يحاول ايقاف هالمشكله
والاجانب خاصتا محد يكلمهم لأن عندهم الشرب عادي وجدامي بالمطار اجانب دخلو بطول ريد ليبل تحت اسم للأستخدام الشخصي
هذي هي الحضارة يا اخوي عبدالله والوضع يتجه الى الاسوء والله يستر
وعلى طاري البنوتات والله ياحلوهم بنات الكويت . حتى لو يسسون سوالف فصله مالنا غيرهم ومالهم غيرنا فديتهم على مدة التاريخ والله يستر عليهم
Hosno :
هلا والله اخوي .. ادري ان الخمر صاير منتشر ومن زمان وانا معاك وان الاجانب يدخلون الخمر على اساس استخدام شخصي بس الي صاير ان يكون الشرب جدام اليهال والعوايل .. السبب مو منهم من شرطتنا حاميها حراميها .. وعلى ما اعتقد ان الليالي الحمرا بالشقق عارفينها الشرطه والمباحث بس مايقدرون يبلغون عن نفسهم لان اهم الي مستفيدين وهم الي يسونها ... بس لو الوزير يشوف ويسمع .. بس يقولك لا حياة لمن تنادي... ومشكوور على هالزياره
لوووووووووووووووووووووووووووووووووووووووووووووووووووووووووووووووووووول
يعطيك العافيه عبدالله على البوست الجميل.. الصراحه بدّعت في البنات
مدونه رائعه =")
اهني فيك مشاعر الغيره على دينك وبلدك
والموقف اللي صار المفروض ماينسكت عنه
ثانياً : عندي تعليق على منظر البنات
اللي شفتهم وطريقة استخفافهم بالدعاء
شي مزعج ويبط الجبد ..بس حبيت انبه
على جملتك:الصراحه تفكير البنات صفر صج ناقصين عقل ودين
مو كل البنات يحملون نفس طريقة التفكير في بنات يوزنون بلد في عقلهم ورزانتهم وبالنسبة لحديث الرسول صلى الله عليه وسلم ناقصات عقل ودين. هذا ليس معناه انتقاص لحق المرأة بل يبين فيه الرسول الكريم ان الدين ينقص لأن المرأة تترك الصلاة والصيام في فترات خاصه بها وبالنسبة لناقصات عقل لأن شهادة المرأة الواحده لاتكفي ذلك لكثرة نسيانها وانشغال تفكيرها في امور بيتها واولادها
هذا تنبيه بسيط يرجى منك تقبله بصدر رحب
وشكرا على البوست وترى هم في رياييل مطافيق ومايمتون للرجولة بصله مو بس البنات يعني.
FatmaQatar :
الله يعافيج اخت فاطمه .. وهذا من ذوقج الحلو المخلوط بالورد الفواح :)
منوره المدونه
سالفة قلب :
هلا والله اختي العزيزه واشكرج على الكلام الحلو منج ... وانا معاج ان في شباب مطافيق وفي بنات يوزنون بلد بس انا كلامي على هالنوعيه الي شفتها والا انا عارف عندنا بنات مثلج وشرواج ينحطون على الجرح يبرى ... وانا اتبع المثل الي يقول اصابعج مو سوى .. وكلامج كله صح ومافي اي غلط .. ومشكوره على الزياره الحلوه والتعليق الاحلى من الزياره نفسها لان طالع من انسانه مثلج :)
صار الهدف الثاني في روحة المجمعات و المطاعم بعد التسوق و الاكل اهو التطمش على الرايح و الياي و التعليق لان الاشكال اللي تتمشى اللحين في الاسواق صج صج ما ينسكت عنها
كأن الخمر ممنوع في الكويت ؟
يعني هذا الاجنبي كان مخالف و الله ياريت اتصلت ب777
لكن يظل السؤال اللي مالقيت له اجابة للحين
هالبنات الانتيكة اللي نشوفهم يتمشون بالمجمعات و الشوارع ما عندهم اهل
؟!
بوست شغل عدل
اشكرك
لووووووووووول عبدالله
زين سويت فيهم بس حرام ليش عيبت على صبغتها :(
hosno
"
وعلى طاري البنوتات والله ياحلوهم بنات الكويت . حتى لو يسسون سوالف فصله مالنا غيرهم ومالهم غيرنا فديتهم على مدة التاريخ "
اخيراااا لقيت من ينصف البنات
يسلم بؤك
خلصت الاخت من الدعااء
يعني تتمنى الحمدلله والشكر
،،،
ههههههاي
حسبي الله على عدوك
ضحكتني
بس ياعبدالله مو بس البنات ناقصات عقل
والله فيه شباب اساس ماعندهم عقل
المسألة مو مسألة بنت وولد
لا مسألة تربية وشخصية وعقل ودين
وبالعكس فيه بنات تشتريهم بمية رجال
بس
سالفة الكيكة
تضحك
:)))
LOL ma swat 3lehom walla halma63am 3la 6ool za7ma 0 kla et9eer feh swalf, 0 3la 6ary el5amr hatha woho mamnoo3 3ndna wenshoof nas tshrb 7ta belshwar3 cham mara 9adft sakraneeen ysogon! 3yal lo kan masmoo7 0 3ady nfs elb7reen..she9er beldeera?!!
بحرينيه :
اولا اهلل وارحب فيج في البلوغ وشرفتيني بزيارتج الحلوه :)
اما على موضوع التطمش والفراره انا ما احب اروح مكان الا يكون عندي شغل فيه ومرات لتغيير الجو .. وانا معاج ان صارت الاشكال الي نشوفها بالمجمعات والمطاعم ما احس اني عايش بالكويت حتى الدول الغربيه والاجنبيه والي ديانتهم غير مايسوون نفسهم من بنات وشباب ,اما على الاهل لهم نسبه كبيره من الغلط ولكن هم الشخص نفسه والصحبه بعد لهم نسبه بالغلط وانا اتكلم عن البنات والشباب وما اقول الا الله يهديهم ...
اما على سالفة الخمر فهو اسما ممنوع اما فعلا مو ممنوع موجود والجهات الرسميه عارفه هالشي بس مشكلتنا فيتامين وااو , بس هم اقول عادي بس مو بالطريقه هذي لين واحد يسكر جدام اليهال والمشكله اوروبي ...
واخيرا اشكرج على التعليق والزياره الحلوه للبلوغ
soulvoice :
انشالله دووم هالضحكه , انا ما عيبت عليهم بس طريقتهم ترنفز الواحد وتخلي الواحد ينقد عليهم , اما على كلام اخوي فيسمحلي غلطان , انا ما اقول ان بنات الكويت مو حلوين وخووش بنات بس نفس هالنوعيه اسمحلي مو كفوا تصير كويتيه , انا ما اذم بنات الكويت ولكن فيهم تصرفات غلط بالدين والعادات وانا لين انتقد بناتنا مو لانهم مو عاجبيني ولكن انتقد على شان يعدلون من نفسهم , الواحد لو عنده شغله زينه يمدحها بس يحب ان يعدل الاغلاط الي فيها على شان تكون احسن مو يخليها لين تخرب وتنقط ... الواحد لازم يدور الزين لاهل ديرته لان بكل صراحه صار اسم بنات الكويت بالدول الثانيه بالحظيظ بسبة البلوتوث والي قاعد يسونه بناتنا واتمنى انهم يعقلون والله يهديهم ..
مـــــــــــــــــــو الكل البعض البعض البعض
sarah :
اختي العزيزه اولا انشالله هالضحكه دايمه , وانا معاج ان مو كل البنات ولا كل الشباب البعض منهم ولكن اتوقع من البنات الاكثريه وانا اتكلم على هالنوعيه , اما على الشباب مو يقولون ان البنات ناقصين عقل فهنااك بعض الشباب لين يشوفون البنات يصيرون بدووون عقل مو ناقصين الا ميح ينمسح العقل عندهم
MuLaN :
هلا وغلا بالغاليه مولان منوره , كلامج كله صح وما اقول الا الله يهدي العالم واهل الكويت
الحمدلله والشكر بعض البنات والشباب تفكيرهم محدود!
يعني شنو تتمنى يعني شنو، تبين تدعلين ادعي ربج.. بس تقليد في هالافلام انزين احنا غير احنا مفاهيمنا افكارنا عقيدتنا غير.. الله يهديهم
ولما وصلت لي آخر جملة من البوست، كنت بعلق عليها وبشرحها
بس شفت رد الاخت سالفة قلب بالضبط نفس اللي كنت بقوله، يعطيها العافيه
بالنسبة للاجنبي، والله شي يعور القلب
الله كريم
ايييه سالفة البطول صارت عادي بالكويت ولا وهين بعد
يعني ابسط مثال روح الدانه في راس السنه .. يقولولك احنا نزهبلك القعده والموسيقى واخر فرفشه بس انت عليك البطل
والله ترى صج صار حق واحده من رفيجاتي
الحمد الله والشكر
اللله يستر لي وين راح نوصل
اما على سالفة العيد الميلاد شنو هالسخافه علشان جذي انا ما احب فرايدز والله اكرهه
بس المفروض ما الطيع صاحبك وتتصل على 777 انت سويت اللي عليك والباجي بذمتهم
ويعطيك الف عافيه .ز بس مالك شغل بالتطمش على خلق الله .. ليش تضيع وقتك عليهم
هلا وغلا اخت سمايل ... وكلامج صح وعلى عيني وراسي بس هالاشياء انتي تقولين يسونهابينهم وبين بعض مو نفس هالمكان .. والله يسامح المسؤولين..الله يستر منج ينخاف منج :)
اما على اني مادقيت على 777 فطلع صاحبي على حق لان الشرطه من تشوفه اوروبي راح تقول عادي وسفارته اطلعه ويمكن تصير المشكله علي... واما على التطمش فقصبن عني لان الشي قاعد يصير جدامي واشوفه .. وانا فيني طبع يمكن مو حلو اذا شفت شي مو عاجبني انقد عليه بصوت عالي واذا شي زين يعجبني امدحه بيني وبين نفسي او ربعي وبصوت واطي ... ومشكوره على الزياره الحلوه ويعطيج الف عافيه
ياحسافة عليج ياكويت
من امن العقوبة ياعبدالله اساء الادب
ما تجرأ هذا وسوى جذي الا يدري محد يحاجيه
وهذا واحد من الف من الاشياء الغلط اللي الواحد ما يدري من يشكيله
الديرة ديرتنا واحنا مجتفين نطالعهم
بشييه بشييه
وانت الحين عبيد انات كليتني يوم قلت براقع وانت طايحله تمسخر بالاوادم وخير خالة هذا لون ربي
مو
بس سالفة الدعاء بدعة
بعد جان باستها وحطتها على يبهتها
مو احسن
مسخرة
ديرة وين ماتروح بس تستاثم وانت تتطالع فناتق العالم من هدوم ومكياج وحجابت وشعور
الله يستر علينا وعلى عيالنا
اي والله يالبندري اول مره تقولين كلام صح ... اتغشمر
والله هذا الواقع واتمنى انه يتغير وندعي الله للناس الهدايه والله يخلي ديرتنا ويحميها من هالاشياء بس مايصير بس ندعي بدون لا نسوي شي الله تعالى قال اسعى ياعبدي وانا اسعى معاك ما قال اقعد ولا تسوي شي ... بس مانقول الا الله كريم
بس يا سكرة البلوغات كلامج عسل ويخلي الواحد يفتخر ان في ناس ليما الحين تخاف على ديرتها ودينها ... وحلوه هذي بشيه بشييه تعجبني حركات ... لا يكون معطينج هديه مع الجنطه بشييه بشييه ؟؟
عبدالله ..
بالنسبه لـ الموقف الأول الي صادفك , والله أنا ما أحط أي لوم على هالأجنبي الي كان يشرب جدام اليهال و العوايل .. بالعكس هذي عادات وتقاليد معروفه عندهم يعني شي عادي , برايي الشخصي الغلط الأكبر منا إحنا .. إحنا المفروض نفرع عادات دينا الإسلامي و تقاليدنا عليهم .. يعني إنتوا بديرتنا تلتزمون بقوانينا لكن الواحد شيقول دام الـ " واو " مسيطره عالإجواء بالديره محد يتحجى !
أما الموقف الثاني ..
فـ والله أنا تعبت من كثر ما أتحلطم لول , ولا حياة لمن تنادي .. قمت أدعي ربي يحفظنا و يثبتنا على دينا لأن الناس ماعادت تسمع خلاص !
و شكرًا عبدالله على هالمدونه الحلوه و المواضيع المفيده : )
ريم
اهلين عبدالله،، 1
تعرف اني ادرس بالبحرين، واحياناً لمن نروح لأي مطعم تصادفنا اشياء كثيرة لكن للأمانة المطاعم العادية لم تصادفني نااااس يشربون من اجانب أو من غيرهم،، يعني فيه احترام للكثير من الأماكن،، لكن أنا اكثر شي مثلاً يضايقني لبس الأجانب،، يعني بالفعل اتضايق ع الاخر،، اقول يعني وين احترام بلد خليجي مثل البحرين!!!1
مثلاً بالسعودية هناك نظام صارم طبعاً علينا وعلى اللي خلفونا، بحكاية اللبس هذي، لأنها بجد مؤذية للعين!!1
فكنت اسأل صديقتي كوني لم يسبق لي اني ذهبت إلى الكويت "غريبة "ادري خاصة اني اساااافر كثيررر وعشت جزء من حياتي بالخارج،،1
المهم كنت اسألها وأنا ارى اجنبية تلبس لبس مو محتشم قلت لها بالكويت كمان كذا؟؟
قالت لي لا ماشفت اجانب لابسين لبس سئ،،1
هذا الكلام كان الساعة تسعة ونص،،الساعة احدعش ادش مدونتك شان اقرأ مثل هذي السواليف خمررر لا اسمحلي ياعبدالله طالت وشمخت!!1
وانتو عيال الديرة المفروض ماتسكتون يعني ماشاء الله عندكم حرية تعبير ررووعة للدرجة اننا يدرسونا بالجامعة عن حرية الأعلام والتعبير بالكويت تصدق عبدالله،،،1
يعني هذا شي مرررره يفرح الووواحد،، خاصة انو اهل الكويت اهل طيب وكريم وربي يحفظكم من كل مكررروه ومايصيبكم أي شر آمين ( كأني صرت أمي العودة()1
لوووول
أما الذي لم يعجبني، انت وشو دخلك في العشر بنات؟؟
زعلت،،او اكمل،، يعني وحده مسوية عملية تجميل في انفها، بس عبدالله هي حره في نفسها، وهي تسوي عملية او ماتسوي بكيفها!!!1
الشي الثاني،، انت ايش ضايقك انهم عشرة وطلبوا كيكة صغيرة "هههههه"طيب هذي حركاااات البنات اصدق ماتعرفها!!1
بعدين ليه خاااالة يعني سمرررره صح!!1
طيب مسكينه هي بكيفها صارت سمرره والله لو اخذو شورها وسألوها وشو تبين كانت قالت ودي اصير مثل هيفاء وهبي او نانسي عجرم صح اوانا غلطانة،،1
بعدين اول مررره اعرف انو الوشسز او الأمنية لمن تطفي الكيكة مكرووه او ماشابه ذلك، لأنني عشت في بيئة اوروبية بحته، وكان من المتعارف عليه انك قبل ماتطفي الكيكة تقول امنيتك وهي غالبا ماراح تتحقق،، وهذا شي اعتيادي وعااادي يعني تصرفها كان عاااادي للغاية
بس ماعجبني "رغم اني امووت على خفة دمك" نغزاتك على البنت يعني ماكان ودي انو عبدالله الظفيري ينزل لها المستوى، ما ادري بس يمكن لأني مررره اشوفك بمكانه الله يعلم فيها،،مكانه مرره كبيرة، وماحبيت تمزج نقطتين ببعض،،1
يعني موضوعك الأول توووب وشفت شيء وماسكت، لأن الساكت عن الحق أحمق، وعجبني حماسك ودفاعك عن مايحدث في الكويت بس جيت على النقطة الثانية وخربتها،،1
لكن اتمنى ان موضوع الخمر والشرب ماينسكت عليه بالكويت خاصة من الأجانب ولازم تتوصلون لحل،، خاصة انك ذكرت ان الموضوع صار قدام اطفال!!1
وهذا امر ماينسكت عليه،،1
دمت لي بكل خيرررر
والله لا يحرمنا من مواضيعك الرووعة هذي
سااااااااررروا
صاحبة القبيلة
ReeMoo :
اهلين اخت ريموه , منوره بهالطله الحلوه , انا معاج بكل كلامج لان الغلط من عندنا مو منهم مو على شان انهم ما يعرفون عاداتنا ودينا بالعكس يعرفون كل شي بس لين يشوفون اهل الديره ساكتين ومو متكلمين ويشوفون المسؤولين مايكلمونهم لازم يشوفون نفسهم ويسوون اي شي , والله يهديهم انشالله , ومشكووره على هالتعليق الحلو والزياره المشرفه
سارة مطر :
اهلين بالاخت والصديقه العزيزه ساروونه :)
كلامج صح بالنسبه للخمر , وانا اقولج الخراب مو من الاجانب بالعكس الخراب من بعض وانا اقول بعض المواطنين من شباب وبنات , واللبس الفاضح ترى بعض بناتنا الي اهم يطلعونه مو الاجانب لو تشوفين الاجانب والله محتشمين اكثر من بناتنا واهم مسيح مو مسلمين , وهذا اهوا الشي الي يحز بالخاطر ويضيق الخلق ونفس الشي هذا رد على تعليقج الثاني , والله يا ساره بناتنا يعجبوني واستانس لين اشوف الناس تمدح فيهم , بس ترى مشكلة الخمرى من المسؤولين الي يشوفون الناس ويسكتون ويعرفون اماكنهم وساكتين بس نفس ما قالت ريموه لا حياة لمن تنادي...
اما على الموضوع الثاني اتمنى انج ما تزعلين , انا علقت عليهم بس ما كلمتهم ولا هم يحزنون , وانا ما احب عذر حريه شخصيه لان هذا يسمونه بتغيير في خلقة ربج وعلى ما اعتقد والعلم عند الله حرام , وانا ضحكت وعلقت على طريقتهم الغلط وانا عارف حركات البنات بس كل ما اشوفها جدامي اضحك وادعيلهم بالهدايه ,..
هههههههههههه , اما على السمره صدقيني اعرف بنات حبوبات مثلج وشرواج ومؤدبات وسمر يعجبوني , اهم شي العقل وطريقة الحياة , اما على الامنيه ,,, انتي قاعده تتكلمين على عادات الغرب وعلى عادات في دين غير دينا الاسلامي , وانتي لين تشوفينهم يدعون شلون تقولين قاعدين جدام الكعبه وتدعي ربها مو حرام هالشي يا ساره ويقهر ؟؟؟
ليش مايدعون ربهم لين يصلون ؟؟
وانا طريقتي هذي اهي النقد البنااء لاني مو قصدي الضحك والا النغزه عليهم ولكن قصدي انهم يعرفون ان هالشي غلط ولازم يعدلونه , واتمناهم يكونون احسن البنات وكل الناس تمدح فيهم مو تذم نفس هالوقت , ومشكوووره على هالكلام الحلوو , وصدقيني مو تقليل من شأن التعليقات الثانيه والحلوه والي تريحني وتمدحني بس انا احب الواحد الي يعلمني ان كلامي والا اسلوبي تغير او شي ما يعجبه فيني لان بهالشي ينفعني ما يضرني واستانس اكثر من المدح ومشكوووووووووووره
Post a Comment